Fırtınalı bir gecədə İtaliya sahillərində içində xeyli adam olan bir qayıq saya oturur. Xilas edilən qəzazədələr həyəcanla qaçmağa başlayırlar. Bu qaçaqaçda Ömər adlı bir uşağın bel çantası sahildə qumun üstünə düşüb qalır. Yezekel adlı qoca bir balıqçı çantanı tapır. O, nəvəsi Tonino və Spagetti adlı iti ilə uşağın sahilə sağ-salamat çatdığını anasına xəbər vermək üçün dənizin qarşı sahilinə səfərə çıxır. Bəs görəsən, macəra dolu bu səyahətin sonunda onları nə gözləyir? Kitabda bu səfərdən bəhs edən ibrətamiz bir hekayənin şahidi olacaqsınız.