Təsadüfən tapdığı sehrli yumurta Sənan və onun balaca dostu Pəhləvanı heç bir qarışına bələd olmadıqları Təbiət diyarına aparır. Qarşılaşdıqları qeyri-adi varlıqlardan hansıların dost, hansıların düşmən olduğunu müəyyən etməkdə çətinlik çəkərkən öz dünyalarına qayıtmaq üçün möcüzəvi aləmləri bir-bir keçməli, hələ üstəlik, Baharın xilasında Keçələ kömək etməlidirlər. Bunun üçün isə özlərinə inanmalı, qorxuları ilə üzləşməli və cəsarətli davranmalıdırlar. Onda əsl möcüzənin şahidi olacaqlar.