Baxış sayı : 23
“Plastilinlər koalanın axtarışında” romanı “Səlimin sehrli plastilinləri” seriyasının ikinci hissəsidir. Bu dəfə Səlim və onun plastilin dostları yay tətilini maraqlı və faydalı keçirmək üçün hekayə axşamları və öyrədici söhbətlərdən ibarət bir plan qururlar. Hadisələr Avstraliyadan olan koala balası Tənbələk və Ballarat şəhərində yaşayan Lilya ilə onlayn tanışlıqdan sonra daha da sürətlənir. Səlim və dostları Tənbələyin itkin düşmüş anasını tapmaq üçün elanlar verir, müxtəlif qurumlara müraciət edir, hətta “Mən səni axtarıram!” televiziya proqramına qədər uzanan axtarışa qoşulurlar. Roman balaca oxucuları yumorla zəngin sərgüzəştlərə aparmaqla yanaşı, onlara yeni biliklər qazandırır, dostluq, mərhəmət və məsuliyyət kimi dəyərlərin əhəmiyyətini də vurğulayır.